దీవించావే సమృద్ధిగా నీ సాక్షిగా కొనసాగమని
ప్రేమించావే నను ప్రాణంగా నీ కోసమే నను బ్రతకమని
దారులలో ఎడారులలో - సెలయేరులై ప్రవహించుమయా
చీకటిలో కారు చీకటిలో- అగ్ని స్తంభమై నను నడుపుమయా
1. నువ్వే లేకుండా – నేనుండలేను యేసయ్య
నీ ప్రేమే లేకుండా - జీవించలేను నేనయ్య
నా ఒంటరి పయనంలో నా జంటగా నిలిచావే
-నే నడిచే దారుల్లో - నా తోడై వున్నావే (2)
ఊహలలో నా ఊసులలో - నా ధ్యాస బాసవైనావే
శుద్ధతలో పరిశుద్ధతలో - నిను పోలి నన్నిల సాగమని ||దీవించావే ||
2. కొలతే లేదయ్యా - నీ జాలి నాపై యేసయ్య
కొరతే లేదయ్యా – సమృద్ధి జీవం నీవయ్యా<
నా కన్నీరంతా తుడిచావే - కన్న తల్లిలా
కొదువంతా తీర్చావే - కన్న తండ్రిలా (2)
ఆశలలో నిరాశలలో – నేనున్నా నీకని అన్నావే
పోరులలో పోరాటములో నా పక్షముగా నిలిచావే ||దీవించావే ||